قصيده بعنوان - تشريع الوصايا
يا شعري فيق أصحى يا زماني ويا خمر سكار جوات القناني
ويا كاسي ترندح بدين الصبايا وكل ما فضيت عبي كاس تاني
أنا شاعر على الأربع زوايا بنيت بيوت شعري وعنفواني
وعطيتن حب قلبي والرعايا سقيتن دم عاطفتي وحناني
وقطفت المقدره الصارت هدايا لوطنا البحسبو خزنه ملاني
محبه وتضحيه بس الضحايا صارو كتار والمقتول جاني
يا رب الكون يا فادي البرايا يا جامع هالامم قاصي وداني
ضماير هالشعب صارو عرايا من الإخلاص وعهود التفاني
ووطنا واقع بهيك خطايا ومن الحكام ما عندو ضماني
تشقف صار كومه من الشظايا ولا أرزه بقيت ولا سندياني
وصرنا ننحسب بين البقايا الما عندن لا إغاثة ولا إعاني
الفقر والبؤس وسنين الحفايا وجوع النفس والنفس المهاني
انا ما جيت تا ظهر قضايا بلادي العالقه وازرع اماني
ولاجايي حاكم وبين خفايا أفكار مشوهة وملها معاني
اللي صاروايظهرو قبال المرايا بوضوح الشمس والمشروع فاني
انا جايي بتشريع الوصايا الكتبها ربنا باصبع يمينو
وعطاها لشعب موسى الأولاني
ميشال سليم يوسف
سدني أوسترالي